Jul i søppelbyen

Ein ryggsekk fylt med Guds ord var julegåva til 16 500 egyptiske barn – som elles ikkje ville fått nokon presang til jul.

16 500 egyptiske barn fekk i fjor ei «bibelsk julegåve.

Då Kirolus opna jule-ryggsekken han hadde fått av Bibelselskapet, lyste auga hans opp. – Eg har aldri hatt eit puslespel før, seier han.

Så trekker han fram endå ei gåve frå sekken.

Det er eit byggesett.

– Eg liker å bygge ting, og no skal eg sette saman denne julekrybba. Kirolus bur saman med foreldra og søskena sine i Mokkatam, søppelbyen utanfor Kairo.

– Eg fann nokre delar av leiker då vi sorterte søppel, og med dei skal eg gjere denne krybba ekstra fin, seier han.

Kvart år gir Bibelselskapet i Egypt ei gratis julegåve til tusenvis av vanskelegstilte barn. Dei færraste familiane i denne delen av byen ville hatt råd til noko slikt.

– Med gåva frå Bibelselskapet kan eg lese, fargeleggje, byggje julekrybbe, løyse puslespel, svare på kviss og lære bibelvers utanåt. Dette blir gøy! Tusen takk, strålar Mariam (11).

I sekken til barna har Bibelselskapet lagt fargerike og tiltalande bibelprodukt. Innhaldet er eit brettspel, eit puslespel, ein innbunden og illustrert barnebibel og fleire aktivitets- og fargeleggingsbøker.

Gåva påverkar og inspirerer dei unge til å engasjere seg i Guds ord.

Julegåva er også ei oppmuntring og hjelp til kyrkjelydane – som særleg på landsbygda og i fattige bydelar, har store behov, men svært få ressursar.

I fjor fekk Det egyptiske bibelselskapet midlar til å gi 16 500 barn ei gåve til jul.

– Men vi kunne lett dobla dette talet på gåver om finansieringa var tilgjengeleg, seier generalsekretær Amir Elham i Det egyptiske bibelselskapet.